merī kashtī ko kināre pe lagāte bhī nahīñ
apnā kahte hai magar rishta nibhāte bhī nahīñ
ik zamāne se mujhe un se shikāyat hai yahī
yaad karte bhī nahīñ mujh ko bhulāte bhī nahīñ
zaḳhm phir tum ne kiye taaza vagarna ham to
dard tā-umr tumheñ apnā batāte bhī nahīñ
jānte haiñ ki tumheñ farq na paḌnā koī
apnī palkoñ pe so ham ashk sajāte bhī nahīñ
kuchh na badlā hai na ummīd badalne kī kuchh
jānte haiñ tabhī to shor machāte bhī nahīñ
is zamāne kī yahī ek haqīqat hai 'jyotī'
log rasman hī sahī dil se nibhāte bhī nahīñ