mohabbat kī hargiz nahīñ haar hogī
bhale laakh duniyāñ ye dīvār hogī
mohabbat nahīñ jurm koī jahāñ meñ
nazar meñ vo phir kyuuñ ḳhatāvār hogī
bhalā chain kaise mujhe aa.egā phir
nahīñ beach apne jo takrār hogī
bharosa rakhoge ḳhudā pe jo apne
to kashtī samundar se bhī paar hogī
yahī maiñ ne apne baḌoñ se hai sīkhā
nahīñ hausloñ kī kabhī haar hogī
is ummīd par jī rahī hai 'jyotī'
kabhī to ġharīboñ kī sarkār hogī