phir vahī ḳhāna-e-barbād hamāre liye hai

shahr-e-ġharnāta-o-baġhdād hamāre liye hai

jhelnā hai hameñ phir karb farāmoshī kā

phir vahī silsila-e-yād hamāre liye hai

niiñd ke shahr-e-tilismāt mubārak hoñ tumheñ

jāgte rahne kī uftād hamāre liye hai

ġham haiñ āshob-e-ḳhudī meñ hameñ varna ik shahr

ḳhuuñ se tar shor se ābād hamāre liye hai

dhūñDiye aks-e-'qamar' raat ke ā.īne meñ

aaj kī shab yahī irshād hamāre liye hai