hoñToñ pe mohr bhī nahīñ naġhmāt bhī nahīñ

ai mehrbāñ ye shahr-e-tilismāt bhī nahīñ

shahroñ meñ gaam gaam pe lākhoñ gunā sahī

ma.asūm itne aaj ke dehāt bhī nahīñ

vo baiThtā hai shahar ke hotel meñ aaj bhī

mere nasīb meñ koī fōtpath bhī nahīñ

ab zehn meñ bhī qaus-e-quzah phūTtī nahīñ

hāthoñ meñ mere aaj tirā haath bhī nahīñ

vo aa.e bhī to kis tarah Dolī meñ baiTh kar

dūlhā nahīñ huuñ maiñ koī bārāt bhī nahīñ

sarmā kī raat rail kā Dibbā udāsiyāñ

lambā safar hai aur tirā saath bhī nahīñ