yahī likhā hai ki ab maiñ na mā-sivā meñ rahūñ

safīr-e-ḳhāk kī sūrat kahīñ ḳhalā meñ rahūñ

sukūt kā ye nagar bhī mujhe aziiz rahe

agar maiñ jā ke kisī mahshar-e-navā meñ rahūñ

maiñ manziloñ ke liye rāste meñ mar jā.ūñ

magar ḳhudā na kare shahar-e-nā-rasā meñ rahūñ

maiñ dekhtā hī rahūñ hashr tak baqā ke ḳhvāb

maiñ hashr tak hī na kyuuñ panja-e-fanā meñ rahūñ

purāne peḌ bhī hairat se mujh ko dekhte haiñ

jo un se baḌh ke maiñ sābit-qadam havā meñ rahūñ