dard bhī ginte raho aur ḳhvāb bhī ginte raho
kitnā achchhā kaam hai lekin akele mat karo
maiñ ne us kī raushnī meñ jis qadar nazmeñ kahīñ
in ko dīvāroñ pe likhnā hai mirā tum saath do
umr ke ye saal bhī āḳhir guzar hī jā.eñge
chāñd va.ade kī taraf takte raho aur ḳhush raho
rizq kī machhlī kī ḳhātir qatl kar dete haiñ log
ho sake to apnā sab kuchh dūsroñ meñ baañT do
ab the is ke paas 'bedī' pesh us ne kar diye
aarzū anjām tak pahuñchī miyāñ jiite raho