yak-ba-yak kyuuñ band darvāze hue
the vo āyāt-e-mubīñ oḌhe hue
bahr-e-zulmat kā safar dar-pesh hai
haiñ havā meñ bāl-o-par jalte hue
band kamroñ se nikalte hī nahīñ
ai havā kyā tere mansūbe hue
aab o saaya ek dhokā hī sahī
is se pahle bhī ka.ī dhoke hue
barq thī mausam shagūfoñ kā na thā
shīshe kī saḌkoñ pe dīvāne hue
us kī āñkhoñ meñ thī kaisī raushnī
dekhne paa.e na the andhe hue