samā.atoñ ko amīn-e-navā-e-rāz kiyā
maiñ be-suḳhan thā mujhe us ne nai-navāz kiyā
vo apne-āp hī nādim hai varna ham ne to
talāsh us kī har ik baat kā javāz kiyā
ye us nigāh kī īmā.iyat-pasandī hai
jo sāmne kī thiiñ bāteñ unheñ bhī raaz kiyā
badan kī aag ko kahte haiñ log jhūTī aag
magar us aag ne dil ko mire gudāz kiyā
yahāñ havā se bachā kar charāg rakkhe haiñ
makāñ ke band darīchoñ ko kis ne baaz kiyā