na pūchho aql kī charbī chaḌhī hai us kī boTī par
kisī shai kā asar hotā nahīñ kam-baḳht moTī par
kafan se dūsroñ ke jo silāte haiñ libās apnā
vo jazbe hañs rahe haiñ ishq-e-sāda kī lañgoTī par
yahī aish ek din ahl-e-havas kā ḳhuun chāTegā
abhī kuchh din lagā rakkheñ vo is kutte ko roTī par
na jaane kaise nāzuk taar ko mizrāb ne chheḌā
ki vajd āḳhir unheñ bhī aa gayā nochā kasauTī par
mohabbat kuchh baḌī hai umr meñ aur hai havas chhoTī
magar dil hai ki hai sau jaan se lahlūt chhoTī par