masjidoñ ke sahn tak jaanā bahut dushvār thā
dair se niklā to mere rāste meñ daar thā
dekhte hī dekhte shahroñ kī raunaq ban gayā
kal yahī chehra hamāre ā.inoñ par baar thā
apnī qismat meñ likhī thī dhuup kī nārāzgī
sāya-e-dīvār thā lekin pas-e-dīvār thā
sab ke dukh sukh us ke chehre par likhe paa.e ga.e
aadmī kyā thā hamāre shahr kā aḳhbār thā
ab mohalle bhar ke darvāzoñ pe dastak hai nasīb
ik zamāna thā ki jab maiñ bhī bahut ḳhuddār thā