tū merā dost mirā yaar hai nahīñ hai kyā
tire bhī dil meñ bahut pyaar hai nahīñ hai kyā
zarā sī baat pe maiñ tum se ruuTh jaatā huuñ
ye mere ishq kā iz.hār hai nahīñ hai kyā
maiñ apne aap se thoḌā bahut muta.assir huuñ
ye merī zaat ko āzār hai nahīñ hai kyā
yuuñ apne aap ko barbād kartā hai koī
ai mere dil tū samajhdār hai nahīñ hai kyā
vo ek shai jo kabhī aañkh meñ nahīñ utrī
tū bhī to us kā talabgār hai nahīñ hai kyā