us ko chhū kar sañvar gayā huuñ maiñ
sañg ḳhushbū bikhar gayā huuñ maiñ
nek sīrat parī sā chehra thā
kar ke sajda guzar gayā huuñ maiñ
jism jaañ se judā to honā thā
kaun jaane kidhar gayā huuñ maiñ
lams pā kar tumhāre paañv kā
dil se dil meñ utar gayā huuñ maiñ
faiz us ke bhulā na pā.ūñgā
yaad aa.e jidhar gayā huuñ maiñ
kaam ik nek ho gayā maulā
Duub kar phir ubhar gayā huuñ maiñ
haar jaane kā ġham nahīñ 'sāġhar'
haar kar bhī sañvar gayā huuñ maiñ