chehroñ kī dhuup āñkhoñ kī gahrā.ī le gayā
ā.īna saare shahr kī bīnā.ī le gayā
Duube hue jahāz pe kyā tabsira kareñ
ye hādisa to soch kī gahrā.ī le gayā
hālāñki be-zabān thā lekin ajiib thā
jo shaḳhs mujh se chhīn ke goyā.ī le gayā
maiñ aaj apne ghar se nikalne na pā.ūñgā
bas ik qamīs thī jo mirā bhaa.ī le gayā
'ġhālib' tumhāre vāste ab kuchh nahīñ rahā
galiyoñ ke saare sañg to saudā.ī le gayā