har sher ġhazal kā kah rahā hai
tujh ko bhī bichhaḌ ke dukh huā hai
hai shola-e-jāñ meñ yaad terī
kyā aag meñ phuul khil rahā hai
ḳhurshīd-e-sahar tulūa ho kar
shabnam kā mizāj pūchhtā hai
kyā us ko batā.ūñ hijr ke ġham
jis par mirā haal aa.ina hai
maiñ kis se kahūñ fasāna-e-ġham
har ek kā dil dukhā huā hai
kyuuñ aa ga.ī darmiyān duniyā
ye terā mirā mo.āmla hai
kyā pāoge but se faiz 'hāfiz'
patthar bhī kahīñ ḳhudā banā hai