Syed Shakeel Desnavi

aqab se war tha aaKHir main aah kya karta

Syed Shakeel Desnavi

Bihar, India

1941

aqab se vaar thā āḳhir maiñ aah kyā kartā

kisī bhī aaḌ meñ le kar panāh kyā kartā

ġharīb-e-shahr thā āñkhoñ meñ thī anā zinda

sazā-e-maut na detā to shaah kyā kartā

mire ḳhulūs ko jo sikka-e-ġharaz samjhā

maiñ aise shaḳhs se āḳhir nibāh kyā kartā

yuuñ us ke afv dāman bhī dāġh-dār na ho

yahī ḳhayāl thā qasd-e-gunāh kyā kartā

ye taar taar shab-o-roz reza reza hayāt

maiñ apne haal par āḳhir nigāh kyā kartā

jo zindagī se na paa.e najāt rāheñ

'shakīl' us ko zamāna tabāh kyā kartā

Top Urdushayar.com