Munawwar Lakhnavi

jab nazar jaan0b-e-asbab-e-fana karte hain

Munawwar Lakhnavi

Lucknow, Uttar pradesh, India

1897-1970

jab nazar jān0b-e-asbāb-e-fanā karte haiñ

pahle ham apnī taraf dekh liyā karte haiñ

jin ko hai tauq-o-salāsil ke taqāzoñ shu.ūr

vahī pābandi-e-ā.īn-e-vafā karte haiñ

kaash ham ko bhī batā deñ ye batāne vaale

choT lagtī hai koī dil pe to kyā karte haiñ

tarjumānī vasīla to haiñ dar-asl ye ashk

dil ke matlab ko ham āñkhoñ se adā karte haiñ

tohmat-e-ishq kahāñ aur kahāñ ye ma.asūm

muft badnām 'munavār' ko kiyā karte haiñ

Top Urdushayar.com