ba-rañg-ebād-e-sabā gul khilā.e haiñ kyā kyā
mire hī dil ne sitam mujh pe Dhaa.e haiñ kyā kyā
ye zindagī kā safar bhī hai kuchh ajiib safar
qadam qadam pe maqāmāt aa.e haiñ kyā kyā
tarah tarah se kiyā hai tavaqquāt kā ḳhuun
mirī nigāh ne manzar dikhā.e haiñ kyā kyā
koī ġharīb ke is hausle kī vaah to de
zarā sī jaan ne sadme uThā.e haiñ kyā kyā
ajiib shai hai 'munavār' kī fikr-e-shā.ista
dil-o-dimāġh ke aivāñ sajā.e haiñ kyā kyā