chāhā bahut ki ishq kī phir ibtidā na ho
rusvā.iyoñ kī apnī kahīñ intihā na ho
josh-e-vafā kā naam junūñ rakh diyā gayā
ai dard aaj zabt-e-fuġhāñ se sivā na ho
ye ġham nahīñ ki terā karam ham pe kyuuñ nahīñ
ye to sitam hai terā kahīñ sāmnā na ho
kahte haiñ ek shaḳhs kī ḳhātir jiye to kyā
achchhā yūñhī sahī to koī aasrā na ho
ye ishq hadd-e-ġham se guzar kar bhī raaz hai
is kashmakash meñ ham sā koī mubtilā na ho
is shahr meñ hai kaun hamārā tire sivā
ye kyā ki tū bhī apnā kabhī ham-navā na ho