jo dard-e-dil kaho āhista bolo
ḳhushī se ġham saho āhista bolo
fuġhāñ karnā bhī jurm-e-āshiqī hai
baḌe chaukas raho āhista bolo
tumhārī aah bhī hai bār-e-ḳhātir
takallum ke shaho āhista bolo
dar-o-dīvār bhī hote haiñ jāsūs
koī suntā na ho āhista bolo
ab āh-e-zer-e-lab hai bazm kī rasm
isī rau meñ baho āhista bolo
sirhāne dil hī dil meñ baat karnā
hamāre dil-daho āhista bolo
sadā sar phoḌ kar aa.egī vāpas
yahī chābuk saho āhista bolo