kyā huā ham pe jo is bazm meñ ilzām rahe
sāhib-e-dil to jahāñ bhī rahe badnām rahe
koī taqrīb to ho dil ke bahalne ke liye
tū nahīñ hai to tirā zikr tirā naam rahe
ham ko to raas hī aa.ī kisī kamsin kī vafā
haa.e vo log mohabbat meñ jo nākām rahe
is irāde se uThāyā hai chhalaktā huā jaam
ham raheñ aaj ki ye gardish ayyām rahe
be-sabab koī navāzish nahīñ kartā 'sarshār'
dekheñ kyā un kī ināyāt kā anjām rahe