yuuñ sisaktā mujhe tum chhoḌ na jaao aao
āḳhirī vaqt hai ai jān-e-man aao aao
sohbat-e-lutf meñ lo naam na ġhairoñ kā kabhī
dil meñ āshiq ke na tum aag lagāo aao
be-bane hī bahutoñ ko hai bigāḌā is ne
apnī kākul ko bahut ab na banāo aao
pī bhī lo rahne do kausar kī kahānī zāhid
aisī be-par kī na yāroñ se uḌaao aao
'kaifī' chhoḌo bhī kahīñ kū-e-butāñ kī ye dhun
chain ārām dil-o-dīñ na gañvāo aao