hādse zer-o-bam pech-o-ḳham raah dekh
gaah chal gaah ruk gaah muḌ gaah dekh
tūl-e-fihrist-e-hājāt kuchh rahm kar
merī mushkil samajh merī tanḳhvāh dekh
buz-diloñ kī tarah chhup ke hamla na kar
apne dushman ko bhī kar ke āgāh dekh
jis ko aanā na ho vo nahīñ aa.egā
ek do din nahīñ chaar chhe maah dekh
apnī auqāt kā jā.eza le zarā
us kī zebā.ish-o-mansab-o-jāh dekh
kuchh tamīz uyūb-e-mahāsin nahīñ
hai nazar terī kis darja kotāh dekh