mujhe bulāyā to thā zindagī ne maiñ na milā

pukārā bhī thā tirī dostī ne maiñ na milā

surāġh milne lagā thā qadīm madfan kā

zamīn khol rahī thī ḳhazīne maiñ na milā

kabhī rulā bhī thā koī mire ta.āqub meñ

nikal ga.e the kisī ke pasīne maiñ na milā

na-jāne kaun sī duniyā meñ jā ke bas gayā huuñ

bahut talāsh kiyā hai kisī ne maiñ na milā

jo tere hijr meñ gum ho ga.e the kuchh raste

nishān un ke batā.e tumhī ne maiñ na milā