jo tumhāre lab-e-jāñ-baḳhsh kā shaidā hogā
uTh bhī jā.egā jahāñ se to masīhā hogā
vo to muusā huā jo tālib-e-dīdār huā
phir vo kyā hogā ki jis ne tumheñ dekhā hogā
qais kā zikr mire shān-e-junūñ ke aage
agle vaqtoñ kā koī bādiya-paimā hogā
aarzū hai mujhe ik shaḳhs se milne kī bahut
naam kyā luuñ koī allāh kā bandā hogā
lāl-e-lab kā tire bosa to maiñ letā huuñ magar
Dar ye hai ḳhūn-e-jigar baad meñ piinā hogā