ik bosa dījiye mirā īmān lījiye
go but haiñ aap bahr-e-ḳhudā maan lījiye
dil le ke kahte haiñ tirī ḳhātir se le liyā
ulTā mujhī pe rakhte haiñ ehsān lījiye
ġhairoñ ko apne haath se hañs kar khilā diyā
mujh se kabīda ho ke kahā paan lījiye
marnā qubūl hai magar ulfat nahīñ qubūl
dil to na dūñgā aap ko maiñ jaan lījiye
hāzir huā karūñgā maiñ akasr huzūr meñ
aaj achchhī tarah se mujhe pahchān lījiye