ab apne des kī āb-o-havā ham ko nahīñ bhātī
ġhulāmī ek zillat thī sarāpā dard āzādī
qayādat karne vāloñ ko masīhā.ī kā da.avā thā
kisī ne lekin ab tak qaum kī biiḌī nahīñ kaaTī
abhī tak paañv se chimTī haiñ zanjīreñ ġhulāmī kī
din aa jaatā hai āzādī kā āzādī nahīñ aatī
unhīñ aqvām ke rahm-o-karam par ab bhī jiite haiñ
ġhurūr-e-hurriyat ne jin se hāsil kī thī āzādī
bajā-e-fikr-e-nau raj.at-pasandī aam sheva hai
haqīqat meñ musalmāñ har jagah hai kushta-e-māzī
karachi meñ muhājir aur inglistān meñ kaale
tirī taqdīr meñ 'jāmī' likhī hai ḳhāna-barbādī