apne ba.ad haqīqat yā afsāna chhoḌā thā
phuul khile the maiñ ne jab vīrāna chhoḌā thā
saañs ghuTī jaatī thī kaisā habs kā aalam thā
yaad hai jis din sabze ne lahrānā chhoḌā thā
aañsū gire to ḳhāk-e-badan se ḳhushbū phūTī thī
meñh barsā to mausam ne garmānā chhoḌā thā
mere alāva kis ko ḳhabar hai lekin maiñ chup huuñ
sāhil se kyuuñ maujoñ ne Takrānā chhoḌā thā
maiñ pahle be-bāk huā thā josh-e-mohabbat meñ
merī tarah phir us ne bhī sharmānā chhoḌā thā