pahle to jasta jasta bhuul gayā
aur phir saarā rasta bhuul gayā
bun rahā thā maiñ jaal ḳhvāboñ kā
bāhar aane kā rasta bhuul gayā
shahr-e-dil se chalā gayā ik shaḳhs
ā.īna ik shikasta bhuul gayā
haañ ḳharīdā thā ishq kā saudā
vo thā mahñgā ki sastā bhuul gayā
maktab-e-ishq aa gayā huuñ maiñ
dil-e-nādāñ kā basta bhuul gayā
husn kī bārgāh meñ ai 'sa.īd'
tū bhī thā dast-basta bhuul gayā