Bismil Saeedi

wo bhi kya din the ki jab us ka mera yarana tha

Bismil Saeedi

Tonk, Rajasthan, India

1902-1977

vo bhī kyā din the ki jab us mirā yārāna thā

aap se begāna vo thā ḳhud se maiñ begāna thā

rabt-o-zabt-e-bāhamī ke haa.e vo rāz-o-niyāz

āshiqāna husn thā aur ishq ma.ashūqāna thā

maiñ agar gul thā to vo thā bulbul-e-shaidā mirā

aur agar vo sham.a thā to is maiñ parvāna thā

vo kabhī dīvāna thā mere liye lailā kabhī

maiñ kabhī us ke liye lailā kabhī dīvāna thā

us ko thā dīdār hāsil mujh ko nazzāra nasīb

mere us ke darmiyāñ ik jalva-e-jānāna thā

mere kufr-e-ishq meñ thī ek īmānī adā

us ke kāfir husn meñ ik ishva-e-turkāna thā

sājid-o-masjūd ham bāham the ham donoñ dil

ka.abe ka.aba thā aur but-ḳhāne but-ḳhāna thā

mere ashk-e-shauq-e-paiham meñ thī us dāstāñ

us ke andāz-e-tabassum meñ mirā afsāna thā

jhuum bhī uTThī udhar kaif-e-tarb se rūh-e-nāz

aur idhar hoñToñ par mere abhī paimāna thā

haa.e vo shahbā-e-zulf-o-kākul-o-gesū ki jab

āftāb-e-sub.h bhī ik sham-e-ishrat-ḳhāna thā

shāmil-e-anfās the naġhmāt-e-aish-o-imbisāt

zindagī ke saaz har zer-o-bam shāhāna thā

aañkh se dil meñ samā jaate the dil se ruuh meñ

zindagī-e-shauq har haal betābāna thā

haa.e vo mai-ḳhvārī-e-bāham aalam aah jab

ehtimām-e-mai baġhair-e-shīsha-o-paimāna thā

jab milīñ āñkhoñ se āñkheñ jab mile hoñToñ se hoñT

har nazar paimāna thī aur har-nafas mai-ḳhāna thā

uf vo rabt-o-zabt sharm-o-shauq jab bā-hamd-digar

ek jazba mushtarak thā aur bebākāna thā

vo taqaddum sharm ho tajāvuz shauq

dāḳhil-e-mustasniyāt-e-laġhzish-e-mastāna thā

uf vo fart-e-shauq jis naam thā ranjīdagī

ālam-e-ranjīdagī kis darja mahbūbāna thā

barhamī par haa.e vo jurmāna-hā-e-jurm-e-shauq

vaj.h-e-afzūnī-e-shauq-e-jurm har jurmāna thā

ho rahe the yuuñ basar roz-o-shab umr-e-nashāt

mehr-o-mah se ehtimām-e-zīnat-e-kāshāna thā

be-ta.alluq zindagī hone thā imkāñ kyā

zindagī zulf-e-ta.alluq thī muqaddar shāna thā

rūnumā lekin muqaddar se huā vo ishq ke

jo talavvun husn fitrat meñ mahbūbāna thā

husn to hai ik tajallī sham-e-har-mahfil-sifat

vo to kah degā ye ik andāz-e-māshūqāna thā

haañ magar kal ishq ko dekhā ki vo shorīda-baḳht

baḌh chukā thā zindagī meñ maut se dīvāna thā

rahā thā be-irāda be-ḳhayāl-e-samt-o-rāh

aur zabāñ par nāla-e-mauzūñ ye mazlūmāna thā

chashm hai mahrūm-e-sūrat gosh māyūs-e-sadā

ḳhvāb thā jo kuchh ki dekhā jo sunā afsāna thā

Top Urdushayar.com