sadāqatoñ ke payambar ga.e rasūl ga.e
ḳhudī kī hurmat-e-afzal ga.ī usuul ga.e
jo bul-havas the sar-e-ām dandanāte rahe
jo haq-parast the sab phāñsiyoñ pe jhuul ga.e
gilā faqat hai ye zāhid kī pārsā.ī se
zarā sā vaqt paḌā un ke sab usuul ga.e
ḳhizar se ham bhī milā kar qadam chale the magar
masāfatoñ kī tavālat se saañs phuul ga.e
tumhāre jaane se har ik kalī kā rañg uḌā
chaman se fasl-e-bahārāñ ga.ī to phuul ga.e
rah-e-hayāt meñ lākhoñ the ham-safar 'ejāz'
kisī ko yaad rakhā aur kisī ko bhuul ga.e