sar-e-rah ab na yuuñ mujh ko pukāro tum hī aa jaao
zarā zahmat to hogī rāz-dāro tum hī aa jaao
kahīñ aisā na ho dam toḌ deñ hasrat se dīvāne
qafas tak un se milne ko bahāro tum hī aa jaao
bharosā kyā safīne kā ka.ī tūfān haa.il haiñ
hamārī nā-ḳhudā.ī ko kināro tum hī aa jaao
abhī tak vo nahīñ aa.e yaqīnan raat baaqī hai
hamārī ġham-gusārī ko sitāro tum hī aa jaao
'shakeb'-e-ġham-zada ko dard se hai ab kahāñ fursat
agar kuchh vaqt mil jaa.e to pyāro tum hī aa jaao