log kahte the vo mausam hī nahīñ aane kā
ab ke dekhā to nayā rañg hai vīrāne kā
banñe lagtī hai jahāñ sher kī sūrat koī
ḳhauf rahtā hai vahīñ baat bigaḌ jaane kā
ham ko āvārgī kis dasht meñ laa.ī hai ki ab
koī imkāñ hī nahīñ lauT ke ghar jaane kā
dil ke patjhaḌ meñ to shāmil nahīñ zardī ruḳh kī
rañg achchhā nahīñ is baaġh ke murjhāne kā
khā ga.ī ḳhuun kī pyāsī vo zamīñ ham ko hī
shauq thā kūcha-e-qātil kī havā khāne kā