sāñsoñ meñ base ho tum āñkhoñ meñ chhupā lūñgā
jab chāhūñ tumheñ dekhūñ ā.īna banā lūñgā
yādoñ se kaho merī bālīñ se chalī jaa.eñ
ab ai shab-e-tanhā.ī ārām zarā lūñgā
ranjish se judā.ī tak kyā sāneha guzrā hai
kyā kyā mujhe da.avā thā jab chāhūñ manā lūñgā
tasvīr ḳhayālī hai har aañkh savālī hai
duniyā mujhe kyā degī duniyā se meñ kyā lūñgā
kab lauT ke aaoge isrār nahīñ kartā
itnā mire bas meñ hai maiñ umr ghaTā lūñgā
kyā tohmateñ duniyā ne ai 'shāz' uThā.ī haiñ
ik tohmat-e-hastī thī sochā thā uThā lūñgā