baat se baat nikalne ke vasīle na rahe
lab rasīle na rahe nain nashīle na rahe
ashk barse to darūñ-ḳhāna-e-jāñ sail gayā
dard chamkā to dar-o-bām bhī giile na rahe
phuul se baas judā fikr se ehsās judā
fard se TuuT ga.e fard qabīle na rahe
Tiis uThtī hai magar chīḳh nahīñ ho paatī
tere pheñke hue patthar bhī nukīle na rahe
maut ne chhīn liyā rañg bhī nam bhī 'ḳhālid'
aañkh bhī suukh ga.ī hoñT bhī niile na rahe