suunā paḌā hai dil kā makāñ aap ke binā
rah rah ke uTh rahā hai dhuāñ aap ke binā
yuuñ to khile haiñ phuul ka.ī rañg ke magar
phīke paḌe haiñ donoñ jahāñ aap ke binā
ye soch ke maiñ ghuum rahā huuñ yahāñ vahāñ
rāhat milegī dil ko kahāñ aap ke binā
bas is liye hī gaañv se maiñ shahr aa basā
maiñ kyā karūñgā rah ke vahāñ aap ke binā
'ādarsh' kah rahā hai ki mat aao mere paas
barbād ho gayā huuñ yahāñ aap ke binā