Adarsh Dube

mere samne to mera pyar hoga

Adarsh Dube

Sagar, Madhya Pradesh, India

2001

mire sāmne to mirā pyaar hogā

vo nazroñ se dil meñ giraftār hogā

vo jis ke liye maiñ ne duniyā sajā.ī

vo zālim merā ḳhatāvār hogā

jo mehnat se apnī nikālegā paanī

to qadmoñ meñ us ke ye sansār hogā

buzurgoñ ke naqsh-e-qadam par chalūñgā

mahaktā huā merā kirdār hogā

'ādarsh' apnā banā le ḳhudā ko

to dushman bhī terā taraf-dār hogā

Top Urdushayar.com