jab kabhī terī yaad aa.ī hai
har kalī dil kī muskurā.ī hai
dil ne bas terī aarzū ke tufail
har ḳhushī zindagī kī paa.ī hai
sū-e-tūfāñ dhakel dī ham ne
naav sāhil pe jab bhī aa.ī hai
sirf tum ho mire zamāne meñ
varna har shai yahāñ parā.ī hai
kho ke ḳhud ko tirī mohabbat meñ
be-ḳhudī be-panāh paa.ī hai
-jāda-e-manzil-e-mohabbat meñ
dil ne sau baar choT khaa.ī hai
phuul kaliyoñ kā zikr kar ke 'bajāj'
dāstāñ terī hī sunā.ī hai