mohabbat meñ aayā hai tanhā abhī rañg

badalne lagī hai magar zindagī rañg

bahāroñ ke āñchal meñ ḳhush-bū chhupī hai

guloñ kī qabā meñ bhare haiñ sabhī rañg

tumhāre binā sab adhūre haiñ jānāñ

sabā phuul ḳhush-bū chaman raushnī rañg

jo bhūle se bachpan meñ pakḌī thī titlī

surūr-e-vafā meñ bhī utrā vahī rañg

na jaane kahāñ se barastī hai bārish

sajātī hai tere agar dilbarī rañg

mile 'indirā' merā paiġhām un ko

liye hai mukammal mirī shā.irī rañg