jab dil meñ terī yaad na āñkhoñ meñ niiñd thī
aisī bhī ek raat mujhe kāTnī paḌī
jis ke baġhair pul kā guzarnā muhāl thā
us jān-e-jāñ kī yaad bhī mehmān ban ga.ī
pahlū meñ bhī tire ġham-e-daurāñ kā Dar rahā
kār-e-jahāñ ne yuuñ mirī miTTī ḳharāb kī
jis ke liye ye ḳhāk-basar umr bhar rahā
us ne dil-e-ġharīb kī koī ḳhabar na kī
jiinā nahīñ thā khel magar tere naam par
ham ne ye qaid-e-saḳht bhī hañs kar guzār dī