āsūdgān-e-hijr se milne kī chaah meñ
koī faqīr baiThā hai sahrā kī raah meñ
phir yuuñ huā ki shauq se kholī na maiñ ne aañkh
ik ḳhvāb aa gayā thā mirī ḳhvāb-gāh meñ
is baar kitnī der yahāñ huuñ ḳhabar nahīñ
aa to gayā huuñ phir se tirī bārgāh meñ
phir kār-e-zindagī ne mujhe chhoḌnā nahīñ
kuchh din yahīñ guzār luuñ apnī panāh meñ
yāroñ ne aa ke jaan bachā.ī mirī ki maiñ
ḳhud se ulajh paḌā thā yūñhī ḳhvāh-maḳhvāh maiñ