vo mere saath safar meñ to chalne vaalā hai
kahīñ vo chupke se rasta badalne vaalā hai
baras bhī jaa.e vo bādal to kis ko pardā hai
lahū to aañkh se phir bhī nikalne vaalā hai
maiñ us ke ḳhvāb se aage bhī us ko le jā.ūñ
magar vo baat ko apnī badalne vaalā hai
jidhar bhī jā.ūñ maiñ raste pukār uThte haiñ
azaab raat kā hargiz na Talne vaalā hai
chalo pahāḌ ke us paar chal ke dekheñge
hamāre naam dafīna nikalne vaalā hai
vafā ke naam pe maiñ ne jo choT khaa.ī hai
tirā mizāj bhī shāyad badalne vaalā hai