sūraj sitāre chāñd jo barbād ho ga.e
andhī sadā kī qaid se āzād ho ga.e
shahr-panāh TuuT ke lo ho gayā khañDar
adh-kachchī ārzūoñ se ham shaad ho ga.e
phir DhūñDhtī phiregī ye pāgal havā kise
suune jazīre ham se jo ābād ho ga.e
lauT ā.eñge parinde na.ī rut ke saath saath
qisse kahāniyoñ ke vo din yaad ho ga.e
iz.hār chīḳhtā nahīñ jazbāt mar ga.e
kaise khilaune shahr meñ ījād ho ga.e