Arshad Ali Khan Qalaq

junun barsae patthar aasman ne mazra-e-jaan par

Arshad Ali Khan Qalaq

1820-1879

junūñ barsā.e patthar āsmāñ ne mazra-e-jāñ par

jafā-e-pīr sabqat le ga.ī bedād-e-tiflāñ par

lagāyā itr jab ham ne lab-e-rañgīn-e-jānāñ par

to goyā tel chhiḌkā ātish-e-la.al-e-badaḳhshāñ par

nahīñ ye mo.ajiza mauqūf kuchh mūsī-e-imrāñ par

pyāle haiñ yad-e-baizā kaf-e-pur-nūr-e-mastāñ par

kabhī chaltī nahīñ bād-e-bahārī apne gulshan meñ

vo bulbul huuñ ki vārafta huuñ maiñ gul-hā-e-hirmāñ par

bayāz-e-kū-e-jānāñ bulbul-e-shīrāz gar dekhe

sifat us bostāñ likkhe aurāq-e-gulistāñ par

kiyā qatl us ne mujh ko maiñ ne qātil ārā.ish

jamāyā ḳhuun lākhā lab-e-shamshīr-e-burrāñ par

pas-e-dīvār taḌpoge kahāñ tak shauq kahtā hai

kamand-e-āh se chaḌh jaao bām-e-qasr-e-jānāñ par

tasavvur bañdh gayā vahshat meñ kis ke rū-e-raushan

ki aalam vādī-e-aiman hai apne bayābāñ par

hamesha sabz rahtā hai gulistāñ jūd-o-baḳhshish

kabhī bād-e-ḳhizāñ chalte na dekhī bāġh-e-ehsāñ par

huā jaame se bāhar kis qadar shauq-e-shahādat hai

paḌī jis dam nazar qātil tirī shamshīr-e-uryāñ par

ye kis mehr-e-sip.har-e-husn ne rakkhe qadam apne

gumān-e-mahr hai har zarra-e-ḳhāk-e-shahīdāñ par

tumhārā muskurānā jāntā huuñ jaan kho.egā

karegī ek din barq-e-tabassum ḳhirman-e-jāñ par

nahīñ bas āj-kal sultān iqlīm-e-shahādat meñ

hai apne naam sikka zar-e-ganj-e-shahīdāñ par

miTā diiñ teziyāñ ai zo.af ne dasht-e-vahshat meñ

paḌā hai sūrat-e-tār-e-garebāñ chāk-e-dāmāñ par

banā kar til ruḳh-e-raushan pe vo shoḳhī se kahte haiñ

ye kājal ham ne paarā hai charāġh-e-māh-e-tābāñ par

unheñ parvā nahīñ hai kuchh na ho gar baaḌ Dorā

ki Dore Dālte haiñ yaar ham teġh-e-uryāñ par

dahan ho us ke paidā aur zabāñ us huvaidā ho

zabān-e-zaḳhm ko rakh duuñ zabān-e-teġh-e-burrāñ par

paḌā aks-e-shafaq to naaz se kahne lagā qātil

chaḌhā sone paanī gumbad-e-qabr-e-shahīdāñ par

hamāre yaar ne kiiñ chhup ke bāteñ pyaar ham se

lagāyā aaj poshīda ye marham zaḳhm-e-pinhāñ par

agar raushan karūñ us ko charāġh-e-dāġh-e-saudā se

dhuāñ zanjīr ban jaa.e sar-e-sham-e-shabistāñ par

huā dhokā jo ham ko teġh-e-ḳhūñ-ālūd qātil

galā ragḌā kiye ham mauja-e-ḳhūn-e-shahīdāñ par

mazāmīñ us ke jab bāñdhe to bandish saaf ham ne

jilā kar hamesha gauhar-e-mazmūn-e-dandāñ par

pas-e-murdan 'qalaq' ehsāñ kiyā ye nā-tavānī ne

subuk merā janāza ho gayā dosh-e-azīzāñ par

Top Urdushayar.com