sajā rahegā añdheroñ se hī khañDar merā
ik ek kar ke huā ḳhatm ab safar merā
mirā mizāj mirā tarz-e-zindagī hai judā
na ho sakegā mire ghar meñ bhī guzar merā
jo kaam aa sake le jā mire aziiz abhī
ye tere sāmne hāzir hai aaj sar merā
qalam uThā.ūñ ki bachchoñ kī zindagī dekhūñ
paḌā huā hai dorāhe pe ab hunar merā
hai ḳhushk pattoñ kī mānind zindagī 'ājiz'
na ḳhāndān hai koī na koī ghar merā