us husn-e-be-niyāz ke kuchh martabe the aur
merī udaas rātoñ ke bujhte diye the aur
zaḳhmoñ ko nok-e-ḳhār kī lazzat pasand thī
vaise tumhāre ghar ke ka.ī rāste the aur
maiñ hī nahīñ thā khokhle peḌoñ ke darmiyāñ
mujh jaise nā-shanās vahāñ par khaḌe the aur
is se bichhaḌ ke rone kī fursat nahīñ milī
qirtās-e-zindagī pe ka.ī ġham likhe the aur
dāman meñ jo guhar haiñ natīje haiñ ishq ke
pahle jo mere paas the vo aa.ine the aur
saaqī bachā lī aabrū tū ne ḳhud apnī aaj
varna mirī manzar meñ ka.ī mai-kade the aur
jis ke ik ek misre meñ rahtā thā us kā zikr
'ājiz' vo sher aur the vo qāfiye the aur