yaad kā phuul sar-e-shām khilā to hogā
jism mānūs sī ḳhushbū meñ basā to hogā
qatra-e-mai se dabā raat na tūfān-e-talab
mujh pe jo biit ga.ī raat sunā to hogā
koī mausam ho yahī soch ke jī lete haiñ
ik na ik roz shajar ġham kā harā to hogā
ye bhī taslīm ki tū mujh se bichhaḌ ke ḳhush hai
tere āñchal kā koī taar hañsā to hogā
vo na mānūs hoñ kuchh ḳhaas alā.em se 'hasan'
ek qissa mirī āñkhoñ ne kahā to hogā