garche kuchh rañg us kā kaalā hai
merā mahbūb hai nirālā hai
tujh ko miltā hai ḳhuub white-mīT
terī āñkhoñ meñ jo ujālā hai
jo akaḌtā misāl-e-sarv rahe
aise afsar kā bol-bālā hai
jis ko rishvat kī rahguzar kahiye
ham ne vo rāsta nikālā hai
chiyūñTiyoñ kī tarah haiñ chimTī huī
terī yādoñ ne maar Daalā hai
tum jo baiThī ho saas ke nazdīk
zalzala koī aane vaalā hai
chhup ke apnī bahan se mil jaa.e
merā azmat vahī to saalā hai