but-garī-e-jamāl meñ guzrā
ahd-e-kufr ek haal meñ guzrā
vaqt guzrā jo be-ḳhayālī meñ
vo tire hī ḳhayāl meñ guzrā
kuchh kaTā vaqt rañj-e-dūrī meñ
kuchh ḳhayāl-e-visāl meñ guzrā
haa.e vo zaḳhm jin kā mausam-e-gul
dahshat-e-indimāl meñ guzrā
phir dhaḌakne lagā hai dil apnā
kyā kahūñ kyā ḳhayāl meñ guzrā
nigah-e-dost kā bhī mausam-e-lutf
dil hī kī dekh-bhāl meñ guzrā
ek lamhe meñ kitne saal kaTe
ek lamha bhī saal meñ guzrā