Azhar Naiyyar

hamare chehre pe ranj-o-malal aisa tha

Azhar Naiyyar

Harpur Pusa, Bihar, India

1945

hamāre chehre pe rañj-o-malāl aisā thā

masarratoñ zamāne meñ kaal aisā thā

fazā-e-shahr meñ bārūd thī shāmil

ki saañs lenā bhī ham ko muhāl aisā thā

amīr-e-shahr ke hoñToñ pe paḌ ga.e taale

ġharīb-e-shahr chubhtā savāl aisā thā

ba-vaqt-e-shām samundar meñ gir gayā sūraj

tamām din thakan se niDhāl aisā thā

tamām ghoñsle ḳhālī the nañge peḌoñ par

hudūd-e-dasht meñ vaqt-e-zavāl aisā thā

vo jab bhī milte haiñ zaḳhmoñ ke phuul dete haiñ

hamārā rābta un se bahāl aisā thā

zamīñ pe jhukne lagī ḳhud-ba-ḳhud har ik Daalī

daraḳht karb-e-numū se niDhāl aisā thā

ḳhud apne aap se bhī maiñ rahā huuñ begāna

hisār-e-dil meñ kisī ḳhayāl aisā thā

Top Urdushayar.com