hai jo bhī jazā sazā atā ho
honā hai jo aaj barmalā ho
us din bhī jo sar pe dhuup chamkī
jis din pe bahut farefta ho
us raat bhī niiñd agar na aa.ī
jis raat pe is qadar fidā ho
rañgoñ meñ vahī to rañg niklā
jo terī nazar meñ jach gayā ho
phūloñ meñ vahī to phuul Thahrā
jo tere salām ko khilā ho
ik shaḳhs ḳhudā banā huā hai
kyā ho jo yahī mirā ḳhudā ho
saugand mujhe ġhazal kī 'gauhar'
maiñ ne jo zabāñ se kuchh kahā ho